ويسٽ انڊين ڪرڪيٽ ٽيم ٽي ٽوئنٽي ۽ ون ڊي سيريز کيڏڻ لاءِ ڪراچي پهچي وئي.
ويسٽ انڊيز جي ڪرڪيٽ ٽيم ۽ انتظامي عهديدار دبئي کان پاڪستان پهتا، جتي پاڪستان ڪرڪيٽ بورڊ جي اختيارين مهمانن جي آجيان ڪئي.
ڪراچي ايئرپورٽ تي ويسٽ انڊين اسڪواڊ جي پي سي آر ٽيسٽ ورتي وئي ۽ ڪورونا نتيجا ناڪاري اچڻ تائين سمورا رانديگر هوٽل ۾ قرنطينه ۾ رهندا، جنهن کانپوءِ اهي ٽريننگ جي شروعات ڪندا.
ويسٽ انڊيز ۽ پاڪستان وچ ۾ 3 ٽي ٽوئنٽي ۽ 3 ون ڊي ميچن جي سيريز کيڏي ويندي، سڀني ميچن جي ميزباني ڪراچي جو نيشنل اسٽيڊيم ڪندو.
واضح رهي ته ويسٽ انڊين ٽيم 2018 ۾ به پاڪستان جو دورو ڪيو هو.
