پاڪستان سپر ليگ جي فرنچائز ملتان سلطانز جي ڪپتان محمد رضوان چيو آهي ته ميچ ۾ اڳ ۾ يا پوءِ بيٽنگ ڪرڻ سان ڪو فرق ناهي پوندو.
پاڪستان ڪرڪيٽ بورڊ طرفان سوشل ميڊيا تي محمد رضوان جي هڪ ويڊيو شيئر ڪئي وئي، جنهن ۾ هو چئي رهيو آهي ته اسان به ٽاس کٽي بالنگ ئي ڪيون ها پر منهنجي خيال ۾ چيمپيئن ٽيمن کي ٽاس سان ڪو فرق نه پوڻ گهرجي.
هن چيو چيو ته بيٽنگ اڳ ۾ ڪجي يا پوءِ، ان سان ڪو فرق نٿو پئي، سٺي ڪرڪيٽ کيڏجي ته نتيجو به سٺو ئي ايندو.
واضح رهي ته ملتان سلطانز پاڪستان سپر ليگ 7 ۾ دفاعي چيپميئن آهي ۽ ان گذريل ڏينهن ڪوئيٽا کي ٽاس هارائي اڳ ۾ بيٽنگ ڪندي شڪست ڏني، جيتوڻيڪ پي ايس ايل 7 ۾ هيل تائين اڳ ۾ بيٽنگ ڪندڙ سڀ ٽيمون ميچون هارائي چڪيون آهن.
