ڀارتي رياست ڪرناٽڪ ۾ هندو انتهاپسندن حجاب پائيندڙ شاگردياڻين جي زندگي عذاب ڪري ڇڏي.
ڪرناٽڪ ۾ روڊ تان گذرندڙ اڪيلي شاگردياڻي کي زعفراني رنگ جو مفلر پاتل انتهاپسندن طرفان تنگ ڪرڻ جي هڪ ويڊيو به سوشل ميڊيا تي وائرل ٿي رهي آهي.
ويڊيو ۾ ڏسي سگهجي ٿو ته برقعي ۾ ڪاليج ويندڙ شاگردياڻي کي انتهاپسند هراسان ڪري رهيا آهن پر ناري انهن جو ڄمي مقابلو ڪيو.
هجوم ۾ شامل ماڻهن ڇوڪريءَ سامهون ”جئي شري رام“ جا نعرا هنيا، جڏهن ته ناري انتهاپسندن کان ڊڄڻ بدران انهن جو ڀرپور مقابلو ڪيو ۽ ”الله اڪبر“ جا نعرا هنيا.
ناري صحافين سان ڳالهائيندي چيو ته مان ڪاليج وڃي رهي هيس ته ڪجهه ماڻهن مون کي چيو ته تون برقعو لاهڻ کانپوءِ ئي احاطي ۾ داخل ٿي سگهين ٿي، انهن مون کي اندر وڃڻ کان روڪيو.
هوڏانهن ڪرناٽڪ ۾ ڪجهه ڏينهن اڳ باحجاب شاگردياڻي کي حجاب سبب ڪاليج ۾ داخلا نه ڏني وئي هئي.
رپورٽن موجب شاگردياڻين جي احتجاج کانپوءِ کين ڪاليج ۾ داخل ٿيڻ جي اجازت ته ملي وئي آهي پر انهن کي الڳ ڪمرن ۾ ويهاريو ويو آهي.
انتظاميا جو چوڻ هو ته شاگردياڻين کي ڪلاس ۾ اچڻ جي اجازت تڏهن ملندي، جڏهن اهي حجاب لاهي ۽ ڪاليج يونيفارم پائي اينديون.
واضح رهي ته ڪرناٽڪ ۾ ڪاليج پرنسپال گذريل هفتي شاگردياڻين جي حجاب پائڻ تي پابندي هنئي هئي، جنهن کانپوءِ شاگردياڻيون سراپا احتجاج آهن.
