ڀارت ۾ مسلمان شاگردياڻين طرفان تعليمي ادارن ۾ حجاب پائڻ تي پيدا ٿيل تڪرار سنگين نوعيت اختيار ڪندو پيو وڃي ۽ هندو انتهاپسندن طرفان اڪيلي شاگردياڻي کي ڪاليج ۾ هراسان ڪرڻ جي واقعي کانپوءِ هاڻ ڀارتي پوليس به باحجاب عورتن خلاف رڻ ٻاري ڏنو.
ڀارتي رياست ڪرناٽڪ ۾ ڪجهه ڏينهن اڳ باحجاب مسلم شاگردياڻي مسڪان جي هندو انتهاپسندن سان مهاڏو اٽڪائڻ جي ويڊيو سامهون آئي هئي ۽ حجاب تي پابندي جو معاملو هاڻ ڀارت جي ٻين رياستن ۾ به پهچي ويو، جڏهن ته ان حوالي سان ڪيس ڀارتي هاءِ ڪورٽ ۾ ٻڌڻي هيٺ آهن.
ڀارتي ميڊيا موجب پوليس طرفان حجاب تي پابندي خلاف احتجاج ڪندڙ عورتن تي تشدد جو واقعو اتر پرديش جي شهر غازي آباد ۾ پيش آيو.
سوشل ميڊيا تي وائرل ويڊيو ۾ ڏسي سگهجي ٿو ته پوليس اهلڪار روڊ تي حجاب جي حق ۾ احتجاج ڪندڙ عورتن وٽ اچن ٿا ۽ ڪجهه به چوڻ بنا مٿن لٺين سان تشدد شروع ٿا ڪن.
