پاڪستاني فاسٽ بالر نسيم شاهه جي تازو پوسٽ ڪرڪيٽر جي مڱڻي يا شادي جي حوالي سان سوشل ميڊيا تي هلچل مچائي ڇڏي.
نسيم شاهه ايشيا ڪپ 2022 ۾ شاندار ڪارڪردگيءَ کانپوءِ مقبوليت حاصل ڪئي ۽ ان وقت کان وٺي ڪنهن نه ڪنهن سبب جي ڪري سرخين ۾ آهي.
ڪجهه ڏينهن اڳ 20 سالن جي فاسٽ بالر پنهنجي انسٽاگرام اسٽوري تي هڪ تصوير شيئر ڪئي هئي، جنهن ۾ هو پنهنجي پيءُ ۽ هڪ ٻئي بزرگ سان گڏ ڊرائنگ روم ۾ ويٺو آهي.
نسيم شاهه کي ڪاري رنگ جي ٽي شرٽ پهريل هئي، مٿي تي نماز واري ٽوپي هئي، جڏهن ته سندس والد ۽ ٻيا روايتي لباس ۾ هئا.
ڪرڪيٽر تصوير جي ڪيپشن ڏيندي چيو ته الحمدلله تمام بهترين آهي، جڏهن ته نوجوان فاسٽ بالر هڪ نئين انسٽاگرام اسٽوري ۾ چيو ته پوئين پوسٽ مڱڻي يا شادي بابت نه هئي.
