پاڪستان ڪرڪيٽ بورڊ فاسٽ بالر محمد عامر کي انٽرنيشنل ڪرڪيٽ ۾ واپسي لاءِ گرين سگنل ڏئي ڇڏيو آهي.
رپورٽن مطابق محمد عامر کي ٽيم ۾ آڻڻ جا انتظام مڪمل ڪيا ويا آهن, سليڪشن ڪميٽي محمد عامر جي مئنيجر سان رابطو ڪري اڳوڻي فاسٽ بالر تي زور ڏنو آهي ته هو قومي ٽيم ۾ واپسي لاءِ پاڻ کي تيار ڪري.
آفيسر 30 سالن جي فاسٽ بالر کي صلاح ڏني آهي ته هو پنهنجي ڪرڪيٽ تي ڌيان ڏئي ۽ ميڊيا ۾ غير ضروري بيان ڏيڻ کان پاسو ڪري جنهن سان تڪرار پيدا ٿي سگهي.
رپورٽ ۾ وڌيڪ چيو ويو آهي ته عامر جيڪو 2020 ۾ انٽرنيشنل ڪرڪيٽ تان رٽائر ٿي ويو، کيس چيو ويندو ته هو پنهنجي ريٽائرمينٽ تي جلد نظرثاني ڪري، ان ڪري کيس ان وقت تائين فٽ رهڻ ۽ مشق جاري رکڻ جي ضرورت آهي.
عملدار چيو ته عامر سٺو بالر آهي ۽ پاڪستان کي سندس ضرورت آهي، کيس هدايتن تي عمل ڪرڻ لاءِ چيو ويو آهي، اميد ته هو جلد پاڪستان لاءِ کيڏندو.
