هنڱورجا (رپورٽ: اسد جوکيو) هنڱورجا ۾ مغوي ٻارڙي جي بازيابيءَ لاءِ وارثن ۽ قومپرست پارٽين جي ڪارڪنن جو پيادل مارچ ڪيو ويو.
ڳوٺ محمد موريل ڀٽو مان 21 مارچ تي محمد صادق ڀٽو جو اغوا ٿيل 4 سالا پٽ جعفر علي ڀٽو بازياب نه ٿي سگهيو.
ڀٽا برادري ۽ ڊاڪٽر نظير کوکر، ذاڪر حسين سولنگي، طالب سهتو ۽ پروفيسر ضمير ڀٽو جي اڳواڻيءَ ۾ پيادل مارچ ڪيو ويو.
ڳوٺ موريل ڀٽو کان 4 ڪلوميٽر پيادل مارچ ڪري هٿن ۾ پلي ڪارڊ ۽ بينر کڻي ٿاڻي مين گيٽ اڳيان ڌرڻو ھڻي ويھي رھيا.
