پيپلز پارٽي جي سينيٽر وقار مهدي جو چوڻ آهي ته سنڌ جي وڏي وزير مراد علي شاهه ميئر ڪراچي بابت مذاق ڪيو آهي.
وقار مهدي پنهنجي بيان ۾ چيو آهي ته مراد علي شاهه مذاق ڪندي چيو هو ته ميئر اهو ٿيندو جنهن کي پارٽي ميئر لاءِ نامزد ڪندي.
هن اهو به چيو ته اسان جي 6 يا 7 ماڻهن ميئر لاءِ درخواستون جمع ڪرايون آهن، پيپلز پارٽي جي حڪومتي ۽ تنظيمي ڌڙن ۾ ڪو به فرق ناهي.
واضح رهي ته سنڌ جي وڏي وزير مراد علي شاهه پنهنجي پريس ڪانفرنس ۾ چيو هو ته ميئر انهيءَ ئي ڪمري ۾ موجود هو ۽ مرتضيٰ وهاب به اتي موجود هو.
