ڪراچي جي دائود چورنگي واري علائقي ۾ ريلي ڪڍي وئي، جنهن جي اڳواڻي پاڪستان زنده آباد موومينٽ ڪراچي ڊويزن جي چيئرمين اويس نديم، سينيئر وائيس چيئرمين مقصود انصاري، ڪراچي ايسٽ جي چيئرمين لالا اسد پيرزاده ۽ ٻين ڪئي.
پاڪ فوج جي حق ۾ نڪتل پاڪستان زنده آباد موومينٽ جي ريليءَ ۾ رينجرز ۽ پوليس آفيسرن سميت پي زيد ايم جي عهديدارن ۽ ڪراچي جي نوجوانن وڏي انگ ۾ شرڪت ڪئي.
ريلي کي خطاب ڪندي پاڪستان زنده آباد موومينٽ جي چيئرمين اويس نديم، وائيس چيئرمين مقصود انصاري ۽ ڪراچي ايسٽ جي چيئرمين لالا اسد پيرزاده چيو ته هي ملڪ به اسانجو آهي ۽ ادارا به اسانجا آهن، اسان پاڪ فوج سان ڪلهو ڪلهي ۾ ملائي گڏ بيٺل آهيون.
هنن چيو ته پاڪستان زنده آباد موومينٽ هڪ نظرياتي ۽ غير سياسي تنظيم آهي، اسانجو منشور پاڪ فوج سميت سمورن سيڪيورٽي ادارن کي مضبوط ڪرڻ آهي.
اڳواڻن پنهنجي خطاب ۾ چيو ته سڄي قوم پنهنجي فوج سان گڏ بيٺل آهي ۽ هميشه بيٺل رهندي، پاڪ فوج جي خلاف ڪنهن به قسم جي ڳالهه برداشت جوڳي نه آهي.
ريليءَ دوران نوجوانن پاران پاڪستان زندهه آباد ۽ پاڪ فوج زندهه آباد جا نعرا پڻ هنيا ويا.
