ڪشميري حريت اڳواڻ ياسين ملڪ جي گهر واري مشال ملڪ چيو آهي ته ياسين ملڪ ڪشميرين جي آزادي جو علم کنيو، ڪشمير لاءِ پنهنجون سموريون خوشيون قربان ڪيون، کيس جيل ۾ ٿرڊ ڊگري ٽارچر جو نشانو بڻايو پيو وڃي پر ياسين ملڪ جو حوصلو مضبوط آهي.
لاهور پريس ڪلب ۾ پريس ڪانفرنس ڪندي مشال ملڪ چيو ته ڪشميرين جي جنگ لاءِ هي زندگي تمام ننڍي آهي، جيل ۾ ياسمين ملڪ کي جيڪڏهن ڪجهه ٿيو ته ان جو ذميوار مودي هوندو، ڀارتي حڪومت ڪشميرين جي رت جي اڃايل آهي.
هن چيو ته ڪيترن ئي شهيد ڪشميرين جا لاش سندن وارثن کي ناهن مليا، ياسين ملڪ هن صدي جو مجاهد آهي، هو هڪ لک ڀارتي فوج سان وڙهي رهيو آهي.
مشال ملڪ وڌيڪ چيو ته ياسين ملڪ کي شهري حق نه ملي رهيا آهن، کيس سندس مڙس سان ملڻ ڏنو وڃي.
