ڀارتي رياست مني پور ۾ فرقيواريت وارا ڏڦيڙ هڪ ڀيرو ٻيهر شدت اختيار ڪري ويا.
ڀارتي ميڊيا موجب 28 مئي تي مني پور جي 5 علائقن ۾ شرپسندن حملو ڪيو، جنهن جي نتيجي ۾ هڪ پوليس اهلڪار سميت 5 ڄڻا مارجي ويا ۽ 12 زخمي ٿيا.
رپورٽن موجب مني پور ۾ ڀارتي فوج جي وڏي نفري مقرر ڪندي انٽرنيٽ سروس معطل ڪئي وئي آهي پر ان باوجود صورتحال قابو ۾ ناهي اچي سگهي.
ڀارتي ميڊيا موجب مودي حڪومت مني پور ۾ ڪرفيو دوران گوليون هلائڻ جا به حڪم ڏئي ڇڏيا آهن.
انهن فسادن جي حوالي سان ڀارتي ميڊيا جو چوڻ آهي ته مني پور ۾ 3 مئي کان جاري وڳوڙن ۾ 80 ڄڻا مارجي ويا آهن، جڏهن ته سوين ماڻهو زخمي ۽ 40 هزار کان وڌيڪ ماڻهو بي گهر ٿي چڪا آهن.
