پيپلز پارٽي جي چيئرمين بلاول ڀٽو زرداري مرتضيٰ وهاب کي ڪراچي جي ميئر لاءِ پارٽي اميدوار نامزد ڪري ڇڏيو.
پ پ سنڌ جي صدر نثار کهڙي جي پريس ڪانفرنس جي حوالي سان بلاول ڀٽو زرداري سوشل ميڊيا ويب سائيٽ تي پيغام جاري ڪيو.
پنهنجي پيغام ۾ پ پ چيئرمين سمورن چيئرمينن، ڊپٽي چيئرمينن، ميئر، ڊپٽي ميئر ۽ ٽائون اميدوارن کي سندن نامزدگي تي مبارڪباد ڏني.
هن چيو ته عوام پيپلز پارٽي تي اعتماد جو اظهار ڪيو آهي، هاڻي اسان کي ايندڙ مرحلي ۾ بهتر ڪارڪردگي ڏيکارڻي آهي ته جيئن عوام جي بهتر خدمت ڪري سگهجي.
بلاول ڀٽو وڌيڪ چيو ته خاص طور تي حيدرآباد ۽ ڪراچي جي عوام جا ٿورائتا آهيون، جن پهريون ڀيرو پيپلز پارٽي تي اعتماد جو اظهار ڪيو.
