آسٽريليا روس کي نئين سفارتخاني جي تعمير کان روڪڻ لاءِ نئون قانون پاس ڪري ٿو
روس ڪينبرا ۾ آسٽريلوي پارليامينٽ کان صرف 400 ميٽر جي مفاصلي تي هڪ پلاٽ ليز تي ڏنو، جتي هو هڪ نئون سفارتخانو ٺاهي رهيو هو.
حڪومت روسي سفارتخاني جي تعميراتي ڪم کي روڪڻ لاءِ عدالت سان رابطو ڪيو پر عدالت ائين نه ڪيو.
آسٽريليا جي حڪومت نتيجي طور، اڄ خاص طور تي روسي سفارتخاني جي تعمير کي روڪڻ لاءِ ٺهيل نوان قانون منظور ڪيا آهن.
انٽيليجنس اهلڪارن حڪومت کي خبردار ڪيو هو ته پارليامينٽ جي ويجهو روس جو سفارتخانو جاسوسي ۽ سيڪيورٽي خطرن جو سبب بڻجي سگهي ٿو.
وزيراعظم انٿوني الباني چيو ته قومي سلامتي ڪميٽي جي اجلاس کانپوءِ نوان قانون تيار ڪيا ويا آهن.
ميڊيا سان ڳالهائيندي هن چيو ته حڪومت کي انتهائي واضح حفاظتي مشورو ڏنو ويو هو، ان ڪري اسان جلد ئي تعميراتي ڪم کي روڪڻ لاءِ قانون پاس ڪيو آهي ته جيئن ليز تي ڏنل زمين سرڪاري طور تي سفارتي سائيٽ نه بڻجي.
روسي سفارتڪار نيوز ايجنسي کي ٻڌايو ته سفارتخانو ان حوالي سان قانوني مشاورت ڪري رهيو آهي.
آسٽريليا طرفان منظور ڪيل نئين قانون تحت، روس صرف پارليامينٽ جي ويجهو سفارتخانو قائم نٿو ڪري سگهي.
