سعودي عرب برڪس ۾ شامل ٿيڻ جي دعوت جي آجيان ڪندي چيو آهي ته هو برڪس ۾ شموليت جي تفصيلن جو جائزو وٺڻ کانپوءِ گروپ ۾ شامل ٿيڻ جو فيصلو ڪندو.
سعودي پرڏيهي وزير فيصل بن فرحان چيو آهي ته هو دنيا جي اڀرندڙ معيشتن برڪس ۾ شامل ٿيڻ جي دعوت کي ساراهي ٿو.
هن چيو ته برڪس اقتصادي تعاون کي هٿي وٺرائڻ لاءِ فائديمند ۽ اهم چينل آهي، برڪس ۾ شموليت جي تفصيلن جو جائزو وٺنداسين ۽ پهرين جنوري کان اڳ شموليت بابت مناسب فيصلو ڪنداسين.
برڪس گروپ اڄ 6 نون ملڪن سعودي عرب، يو اي اي، ايران، مصر، ارجنٽائن ۽ ايٿوپيا کي گروپ ۾ شامل ٿيڻ جي دعوت ڏني آهي.
نون ملڪن جو الحاق 1 جنوري 2024 کان لاڳو ٿيندو. BRICS ھڪ تنظيم آھي جنھن ۾ برازيل، روس، ھندستان، چين ۽ ڏکڻ آفريڪا شامل آھن.
