نگران وزيراعظم انوار الحق ڪاڪڙ چيو آهي ته آمريڪا سان سٺن لاڳاپن جا خواهشمند آهيون، ضروري ناهي ته آمريڪا جيڪو به چوي ان سان اتفاق ڪيون، ڪيترن ئي معاملن ۾ آمريڪا سان اتفاق نه آهي.
اسلام آباد ۾ يونيورسٽي جي شاگردن کي خطاب ڪندي وزيراعظم چيو ته ملڪ ۾ جمهوري عمل جي ارتقا ٿي رهي آهي، گذريل 15 سالن ۾ 3 اسيمبليز پنهنجو مدو پورو ڪيو، حڪومت جي تبديلي به آئيني طريقي سان عمل ۾ آئي، جمهوريت ئي پارليامينٽ جي مضبوطي جي ضامن آهي.
هن چيو ته دنيا جي امن خاطر پاڪستان بي انتها قربانيون ڏنيون آهن، دنيا کي پنهنجين قربانين بابت احساس ڏيارڻ ۾ ناڪام رهيا آهيون.
وزيراعظم چيو ته خبر ناهي ته آءِ اي ايف کي دشمن طور ڇو پيش ڪيو وڃي ٿو، اسان جو سڀ کان وڏو مسئلو وسيلن ۽ خرچن ۾ توازن جو نه هجڻ آهي.
