چيف جسٽس عمر عطا بنديال سپريم ڪورٽ جي آفيسرن ۽ عملي کي الوداعي خطاب دوران لڙڪ هاري ڏنا.
تقرير دوران چيف جسٽس پاڻ کي لهندڙ سج سان ڀيٽ ڏيندي چيو ته منهنجي حالت هاڻي لهندڙ سج جهڙي آهي.
هن چيو ته سپريم ڪورٽ جي جج جي حيثيت سان توهان سان 9 سال سٺا گذريا، توهان وٽ اڃا به وقت آهي، توهان سڀني کي پنهنجي پوري محنت سان ڪم ڪرڻ گهرجي.
سندس چوڻ هو ته ملڪ معاشي ۽ ٻين چئلينجن کي منهن ڏئي رهيو آهي، جڏهن سڀ گڏ ٿي ويا ته هي بحران نه رهندو.
چيف جسٽس عمر عطا بنديال چيو ته سهڪار ڪرڻ تي تواهن سڀني جي مهرباني.
