پيٽروليم شين جي قيمتن ۾ رڪارڊ واڌ ٿيندي ئي ان جا اثر عام واهپي جي شين تي ظاهر ٿيڻ شروع ٿي ويا آهن.
جاڙن شهرن راولپنڊي ۽ اسلام آباد ۾ عام واهپي وارين شين جي قيمتن ۾ رڪارڊ اضافو ٿي ويو آهي. اوپن مارڪيٽ ۾ پٽاٽا 82 کان 106 روپيه في ڪلو وڪرو ٿي رهيا آهن. بصر 85 کان 110 روپيه ڪلو، ٽماٽا 90 کان 100 روپيه في ڪلو ۾ ملي رهيا آهن. ٿوم 430 کان 580 روپيه في ڪلو ۾ وڪرو ٿي رهيو آهي جڏهن ته ادرڪ 1300 روپيه في ڪلو ۾ ملي رهي آهي.
فروٽ ۾ ڪيلو 160 روپيه في درجن ۽ آڙو 264 کان 310 روپيه ڪلو ملي رهيا آهن. انگور 357 روپيه ڪلو، صوف 220 کان 350 روپيه ۽ گولڊن صوف 150 کان 200 روپيه ڪلو ۾ ملي رهيو آهي.
ڪڪڙ جو گوشت في ڪلو 580 کان 600 روپيه في ڪلو ۾ وڪرو ٿي رهيو آهي. آچر بازارن ۾ قيمتون ته گهٽ آهن پر شين جو معيار صحيح نه آهي. شهرين چيو آهي ته مهانگائي غريب عوام جي چيلهه ڀڃي ڇڏي آهي. حڪومت کي ريليف ڏيڻ گهرجي.
