شڪارپور پوليس ڳجهن ادارن جي اطلاع تي ڪارروائي ڪندي کنڊ ۽ ڀاڻ سان ڀريل 11 ٽرڪ قبضي ۾ وٺي 4 ڄڻن کي گرفتار ڪري ورتو آهي.
اختيارين موجب قومي شاهراهه تي ڪيل ڪارروائي دوران قبضي ۾ ورتل 7 ٽرڪن مان 280 ٽن کنڊ ۽ 4 ٽرڪن ۾ ڀاڻ جون 5 هزار 4 سئو ٻوريون هٿ ڪيون ويون.
پوليس اختيارين موجب قبضي ۾ ورتل ٽرڪن ذريعي کنڊ ۽ ڀاڻ کي افغانستان منتقل ڪرڻ جي ڪوشش ڪئي پئي وئي جنهن کي شڪارپور پوليس وقت تي ڪارروائي ڪندي ناڪام بنائي ڇڏيو.
اختيارين موجب کنڊ ۽ ڀاڻ کي خوراڪ کاتي جي گودامن ۾ منتقل ڪيو پيو وڃي. جڏهن ته ڪارروائي دوران گرفتار ڪيل 4 جوابدارن خلاف قانوني ڪارروائي ڪئي پئي وڃي.
ٻئي طرف لاڙڪاڻي جي مختلف علائقن ۾ ڪارروائي ڪري نجي گودام مان گيهه جا 8 هزار ڊٻا ۽ کنڊ جون 600 ٻوريون هٿ ڪري ٻن گودامن کي سيل ڪيو ويو آهي.
