سيوھڻ:(رپورٽر) سيوھڻ جي گل محمد شاھ پاڙي ۾ گھٽي مان گذرڻ واري معمولي ڳالھ تان ڀنڀرا ۽ سولنگي برادري ۾ جهيڙو ٿي پيو جنهن دوران فائرنگ جي نتيجي ۾ هڪ ڄڻو مارجي ويو.
جهيڙي دوران گولي لڳڻ جي نتيجي ۾ 48 ورهين جو ميھار ڀنڀرو موقعي تي ئي فوت ٿي ويو، جڏهن ته ٻنھي ڌرين جا 18 ڄڻا سخت زخمي ٿي پيا. زخمين کي سيوھڻ اسپتال منتقل ڪيو ويو.
زخمين ۾ ھڪ ڌر جا ميان بخش ڀنڀرو، سائين بخش, وقار, الھ بخش, غلام مصطفيٰ, واحد بخش ڀنڀرو شامل آهن جڏهن ته ٻي ڌر جا شوڪت ماڇي، حاجي خان، بگن، برڪت ماڇي، وحيد عمراڻي ۽ ٻيا شامل آھن.
ٻڌايو پيو وڃي ته گھٽي واري معاملي تان ٻنھي ڌرين ۾ تڪرار ھلندڙ ھو ۽ ھڪٻئي کي گھٽي مان گذرڻ کان منع ڪرڻ تي جھيڙو ٿي پيو، ھوڏانھن سيوھڻ پوليس موجب واقعي جي شروعاتي رپورٽ داخل ڪري وڌيڪ جاچ ڪئي پئي وڃي.
- شيئر
