جي يو آءِ سربراهه مولانا فضل الرحمان چيو آهي ته خيبر پختونخواهه ۽ بلوچستان ۾ حڪومت جي رٽ ختم ٿي چڪي آهي، شهرين جي حقن لاءِ آواز اٿارڻ جي مخالفت نه ٿا ڪيون، پر ملڪ ٽوڙڻ جي تحريڪ هلائڻ جي اجازت نه ڏينداسين
جي يو آءِ سربراهه مولانا فضل الرحمان لاهور ۾ مينار پاڪستان تي گولڊن جوبلي ختم نبوت ڪانفرنس کي خطاب ڪندي چيو ته حڪومت امن نه ٿي ڪرائي سگهي ته پوءِ ٽيڪس ڇا جا پئي وٺي؟
مولانا فضل الرحمان چيو ته 2018 ۽ 2024 وارين اليڪشنز جا نتيجا ڌانڌلين وارا هئا، اڄوڪي ختم نبوت ڪانفرنس عوامي اسيمبلي آهي، هاڻي قانون هن عوامي اسيمبلي مان پاس ٿيندا، عالمي برادري کي پيغام ڏيون ٿا ته اسرائيل جو وجود ڪنهن به صورت ۾ تسليم نه ڪيو ويندو
