لاهور: قومي ڪرڪيت ٽيم جو ڪپتان اظهر علي ٽيسٽ ڪرڪيٽ ۾ 6000 رنسون مڪمل ڪندڙ پنجون پاڪستاني بڻجي ويو. پاڪستان ۽ انگلينڊ جي وچ ۾ جاري ٽئين ٽيسٽ ۾ اظهر علي جوفرا آرچر جي بال تي چوڪو هڻي 6 هزار رنسون مڪمل ڪري ورتيون آهن. اظهر علي کان اڳ محمد يوسف، انضمام الحق، يونس خان ۽ جاويد ميانداد اهو اعزاز حاصل ڪري چڪا آهن. ان کان علاوه ٽيسٽ ڪپتان هن اننگز ۾ 141 رنسون ٺاهي ناقابل شڪست رهيو ۽ اها ان جي ڪيريئر جي سترهين سينچري آهي. ياد رهي ته اظهر علي جو هي 81هون ٽيسٽ آهي ۽ هو 31 هاف سينچريون به ٺاهي چڪو آهي.
