پرتگال: عالمي شهرت ماڻيندڙ فٽبالر ڪرسٽيانو رونالڊو انٽرنيشنل گولز جي سينچري مڪمل ڪري ورتي آهي. تفصيل موجب ڪرسٽيانو رونالڊو يوئيفانايشز ليگ ۾ سوئيڊن جي خلاف گول ڪري اهم مقام حاصل ڪري ورتو ۽ هاڻ هو فٽبال جي دنيا جي عالمي مقابلن ۾ 100 گول ڪندڙ ٻيون ۽ يورپ جو پهريون رانديگر بڻجي ويو. واضح رهي ته ايراني فٽبالر علي داعي انٽرنيشنل ميچن ۾ 109 گول ڪري پهرين نمبر تي آهي. جڏهن ته پرتگال سوئيڊن کي 0-2 تان شڪست ڏني ۽ ٻئي گول رونالڊو جي نالي رهيا. ياد رهي ته ان کان اڳ رونالڊو پروفيشنل فٽبال ڪيريئر ۾ 700 گول ڪري چڪو آهي ۽ اها منزل حاصل ڪندڙ هي دنيا جو ڇهون فٽبالر آهي.
