لنڊن: برطانوي ماهرن ڪورونا وائرس جي خلاف ٽي بي ويڪسين جي آزمائش شروع ڪري ڏني آهي جيڪا 1921ع ۾ تيار ڪئي وئي هئي. ان طبي آزمائشن کي بريس جو نالو ڏنو ويو آهي جيڪا يونيورسٽي آف ايڪسيٽر ميڊيڪل اسڪول جي تحت جاري آهن. واضح رهي ته هينئر تائين ڪورونا وائرس جي ڪابه ويڪسين مارڪيٽ ۾ نه اچي سگهي آهي. جڏهن ته ماهرن جو چوڻ آهي ته ائين ڪابه ويڪسين ايندڙ سالن ۾ وڏي پيماني تي ملي سگهندي. ان دوران ڪورونا وائرس جي شدت گهٽ فوتگين ۽ ان سان ٿيندڙ فوتگين تي قابو پائڻ جي لاءِ هر طرح جي تدبير آزمائي پئي وڃي. سئو سال پراڻي ٽي بي ويڪسين جا هي تجربا به ان نوعيت سان تعلق رکندا آهن. ٽي بي جي مشهور ويڪسين جنهن کي(بي سي جي ويڪسين) به چيو ويندو آهي. تازي ڪيل تحقيق مان نمونيا ۽ سائنس جي ٻين بيمارين جي خلاف به ڪافي حد تائين بهتر محسوس ڪئي وئي آهي.
