سکر(رپورٽر) سکر ميونسپل ڪارپوريشن ۽ پبلڪ هيلٿ کاتي جي نااهلي ۽ لاپروائي سبب شهر گندگي جي ڍيرن، نالين ۽ گٽرن جو پاڻي روڊن تي نڪرڻ روز جو معمول بڻجي ويو آهي ان حوالي سان سکر جي شهرين جو چوڻ آهي ته سکر شهر سنڌ جو ٽيون ۽ ڪاروباري لحاظ سان ٻيو وڏو شهر آهي جنهن کي سکر انتظاميا، سکر ميونسپل ڪارپوريشن، پبلڪ هيلٿ کاتي جي نااهل آفيسرن گندگي جي ڍيرن ۾ تبديل ڪري ڇڏيو آهي شهر جي اڪثر علائقن ۾ گندگي جا ڍير لڳل هوندا آهن جڏهن ته مختلف هنڌن تي نالين ۽ گٽرن جو پاڻي روڊ تي نڪرڻ سبب شهرين کي سخت مشڪلاتون پيش اچي رهيون آهن جڏهن ته اهڙي صورتحال ۾ شهر اندر مختلف بيماريون به ڪڙ کڻڻ لڳيون آهن پر سکر ميونسپل ڪارپوريشن ۽ پبلڪ هيلٿ کاتو پنهنجي ذميواري کي نڀائڻ بدران آرام ڪرڻ ۾ مصروف عمل آهن ۽ شهر جو بيڙو غرق ٿيندو پيو وڃي هنن اعليٰ اختيارين کان ٻنهي کاتن جي آفيسرن ۽ عملدارن خلاف ڪارروائي جو مطالبو ڪيو آهي.
