ڪابل: افغانستان جي راڄڌاني شهر سميت 4 مختلف هنڌن تي ڌماڪا ٿيا جنهن جي نتيجي ۾ 4 اهلڪار فوت ۽ ڪيترائي زخمي ٿي پيا. افغان ميڊيا موجب پهريون آپگهاتي حملو صوبي فراهه جي ضلعي پوليس هيڊڪوارٽر ۾ ٿيو جنهن ۾ هڪ اهلڪار فوت ۽ ٽي زخمي ٿي پيا، جڏهن ته ٻيو ڌماڪو صوبي غزني ۾ ٿيو جتي روينيو ڊپارٽمينٽ جا ٻه ملازم مارجي ويا. اهڙيءَ طرح ٽيون ڌماڪو خوست صوبي ۾ ٿيو جنهن ۾ هڪ سيڪيورٽي اهلڪار مارجي ويو ۽ 2 زخمي ٿيا، زخمين ۾ صوبائي ڪائونسل جو سربراهه به شامل آهي جڏهن ته ڪابل ۾ ٿيل ڌماڪي ۾ هڪ ملازم فوت ۽ 6 ڄڻا زخمي ٿي پيا.
