![](https://dailyaas.com.pk/wp-content/uploads/2022/01/WhatsApp-Image-2022-01-03-at-7.18.06-PM-e1641220360575.jpeg)
سانگهڙ(ڊر ) صوبائي وزير سنڌ ورڪس اينڊ سروسز سيد ضياء عباس شاه رضوی پاران اڄ سانگهڙ ضلعي ۾ جاري ترقياتي منصوبن جو جائزو ورتو ۽ سانگهڙ شهر ۾ ڊسٽرڪٽ ڪائونسل کان ٽريفنگ چوڪ تائين تعمير ٿيندڙ روڊ جو افتتاح ڪيو. انهي بعد ڊپٽي ڪمشنر آفيس ۾صوبائي وزير کي ورڪس اينڊ سروسز کاتي جي آفيسر پاران ضلعي ۾ جاري ترقياتي ڪمن بابت بريفنگ ڏني بريفنگ دوران صوبائي وزير چيو ته تعمير ٿيندڙ روڊن ۽ بلڊنگز جي معيار تي ڪنهن به قسم جو سمجهوتو نه ڪبو ۽ ناقص ڪم ڪندڙ ٺيڪيدار ۽ ملوث آفيسرن خلاف قانوني ڪارروائي ڪئي ويندي . انهي بعد ڊپٽي ڪمشنر آفيس ۾ پريس ڪانفرنس ڪندي صوبائي وزير چيو ته پاڪستان پيپلزپارٽي سانگهڙ ضلعي ۾ ترقياتي ڪمن جو ڄار وڃايو آهي سانگهڙ ضلعي جي مختلف روڊن کان علاوه ڪافي ترقياتي ڪم ڪيا ويا آهن سانگهڙ ضلعي جا مين روڊ سڀ تعمير ٿي ويا آهن ۽ لنڪ روڊن تي ڪم هلي رهيو آهي جلد اها پڻ مڪمل ڪيا ويندا ڇاڪاڻ ته پاڪستان پيپلزپارٽي عوامي خدمت ته يقين رکي ٿي ۽ سياست کي عبادت سمجهي ٿي. انهي موقعي تي پاڪستان پيپلزپارٽي جا مقامي چونڊيل نمائندا جنهن ۾ ايم پي اي شاهد ٿهيم، ايم پي اي فراز ڏيرو، ايم اين اي نويد حسين ڏيرو، سانگهڙ ضلعي جو صدر علي حسن هنڳورجو ۽ ڊپٽي ڪمشنر ڊاڪٽر عمران الحسن خواجه پڻ موجود هئا.