ڪراچي: صوبائي وزير سعيد غني چيو آهي ته سراج الحق ڪهڙي اصول تي ڪراچي جي ميئرشپ جي گهر ڪري رهيو آهي؟ ڪراچي جي ميئرشپ ڪنهن کي خيرات ۾ نه ڏينداسين.
پنهنجي بيان ۾ سعيد غني چيو ته پ پ ڪنهن کي جنت جا خواب ناهن ڏيکاريا، ڪارڪردگي تي ووٽ ورتا آهن.
هن چيو ته پ پ خدمت ڪري عوام جون دليون کٽيون آهن، ايم ڪيو ايم ميدان خالي نه ڇڏي ها ته جماعت اسلامي جو ڪو وجود نه هجي ها.
سعيد غني چيو ته ايندڙ چونڊن ۾ ڪراچي مان پي ٽي آءِ ۽ جماعت اسلامي کي ڪجهه نه ملندو، پي ٽي آءِ کانپوءِ جماعت اسلامي اليڪشن ڪميشن کي بليڪ ميل ڪري رهي آهي.
