اسلام آباد: سپريم ڪورٽ جي تاريخي فيصلي جي ٻن ڏينهن بعد پي ٽي آءِ هڪ ڀيرو ٻيهر سپريم ڪورٽ کي درخواست ڪئي آهي ته خيبرپختونخواهه جي گورنر حاجي غلام علي کي صوبي ۾ چونڊون ڪرائڻ جو حڪم ڏنو وڃي.
درخواست اڳوڻي اسپيڪر خيبرپختونخوا مشتاق غني طرفان بئريسٽر گوهر خان داخل ڪئي، جنهن ۾ موقف اختيار ڪيو ويو ته گورنر ڪي پي ڪي سپريم ڪورٽ جي پهرين مارچ جي فيصلي تي عمل نه ڪري رهيو آهي، جنهن ۾ صدر عارف علوي کي پنجاب ۽ ڪي پي ڪي ۾ عليم خان کي چونڊن جي تاريخ جو اعلان ڪرڻ جي هدايت ڪئي وئي هئي.
24 مارچ تي گورنر پي ڪي اليڪشن ڪميشن تي زور ڀريو هو ته صوبي ۾ عام چونڊون 8 آڪٽوبر تي ڪرايون وڃن، ان ئي تاريخ جو اليڪشن ڪميشن پنجاب لاءِ به اعلان ڪيو هو.
پي ٽي آءِ اڳ ۾ ئي پنجاب جي چونڊن ۾ دير جي مخالفت ڪئي هئي ۽ ڪيترن ئي ٻڌڻين کانپوءِ ملڪ جي سپريم ڪورٽ اڱاري تي پنهنجي متفقه فيصلي ۾ پنجاب ۽ ڪي پي ڪي جي چونڊن بابت اليڪشن ڪميشن جي فيصلي کي ڪالعدم قرار ڏيندي حڪم جاري ڪيو ته پنجاب ۾ 14 مئي جي تاريخ مقرر ڪري جلد چونڊون ڪرايون وڃن.
