ڀارتي ڪرڪيٽ ٽيم جو اڳوڻو اوپنر سڌير نائڪ 78 ورهين جي ڄمار ۾ ممبئي ۾ مختصر علالت کانپوءِ لاڏاڻو ڪري ويو.
مقامي ميڊيا جي رپورٽن موجب، سڌير نائڪ کي 24 مارچ تي پنهنجي گهر ۾ ڪري پوڻ کانپوءِ ممبئي جي هڪ خانگي اسپتال جي انتهائي نگهداشت واري يونٽ ۾ داخل ڪيو ويو.
رپورٽن مطابق آچر جي رات سندس حالت خراب ٿي وئي ۽ سندس عيادت ڪندڙن کي ٻڌايو ويو ته ايندڙ 72 ڪلاڪ نازڪ هوندا.
اڳوڻي ڪپتان پنهنجي پونئيرن ۾ هڪ ڌيءَ ڇڏي آهي، جيڪا آسٽريليا ۾ رهي ٿي.
سڌير نائڪ 1974ع کان 1975ع جي وچ ۾ هندستان لاءِ ٽي ٽيسٽ ۽ ٻه ون ڊي ميچ کيڏيا.
هن 85 فرسٽ ڪلاس ميچون کيڏيون ۽ 35.29 جي سراسري سان 4376 رنسون ٺاهيون، جنهن ۾ 200 ناٽ آئوٽ جو ٽاپ اسڪور ۽ هڪ ڊبل سميت ست سينچريون شامل آهن.
ڪرڪيٽر 1970-71 ۾ رنجي ٽرافي کٽيندڙ ممبئي جي ٽيم جي اڳواڻي ڪندي قومي شهرت حاصل ڪئي، نائڪ وانکيڊ اسٽيڊيم جو چيف ڪيوريٽر پڻ هو.
