آمريڪي ڳائڻي ٽيلر سوئفٽ ۽ اداڪار جو ايلوين ڇهن سالن تائين گڏ رهڻ کانپوءِ پنهنجا رستا الڳ ڪري ڇڏيا آهن.
ٽيلر سوئفٽ جي ويجهن ذريعن تصديق ڪئي آهي ته هوءَ ۽ جو ايلوين ڪجهه هفتا اڳ جدا ٿي ويا، اهي ڌار ٿيا آهن پر دوست رهڻ جو ارادو رکن ٿا.
سوئفٽ، جيڪا هن وقت پنهنجي ”ايراز ٽوئر“ تي آهي ۽ ايلوين کي پهريون ڀيرو 2016ع ۾ رومانوي انداز سان پاڻ سان ڳنڍيو هو.
گريمي اوارڊ ماڻيندڙ گلوڪاره ۽ ايلوين پنهنجي رشتن کي گهڻو ڪري ڍڪيل رکڻ ۾ ڪامياب ٿي ويا.
جنوري ۾، سوئفٽ پنهنجي انسٽاگرام تي انڪشاف ڪيو ته سندس 2022 جي البم ’مڊ نائيٽس‘ جو هڪ گانو ’ليوينڊر هيز‘ ايلوين بابت آهي.
