نيوزيلينڊ ٽيم جي ڪپتان ٽام ليٿم چيو آهي ته پاڪستان جو دورو اسان جي ٽيم لاءِ سٺو ثابت ٿيندو.
لاهور جي قذافي اسٽيڊيم ۾ پريس ڪانفرنس ڪندي ٽام ليٿم چيو ته پاڪستان جي معياري ٽيم خلاف کيڏنداسين، جيڪو وڏو چئلينج هوندو.
هن چيو ته يقينن سينيئر رانديگرن کي ياد ڪنداسين، سينيئر رانديگرن جي غير موجودگي ۾ باقي رانديگرن کي موقعو ڏنو آهي.
ٽام ليٿم چيو ته هتي جون حالتون نيوزيلينڊ جي مقابلي ۾ بلڪل مختلف آهن، پاڪستان جي حالتن کي جلد کان جلد سمجهڻ جي ڪوشش ڪنداسين.
ڪيوي ٽيم جي ڪپتان چيو ته اسان انهن رانديگرن تي ڀروسو ڪنداسين جيڪي انهن حالتن ۾ کيڏيا آهن.
