ورلڊ ڪپ شروع ٿيڻ کان اڳ پاڪستان ڪرڪيٽ ٽيم لاءِ خوشخبري اچي وئي.
ذريعن موجب حارث رئوف کي پاڪستاني ٽيم ۾ سليڪشن لاءِ فٽ قرار ڏنو ويو آهي ۽ هو ورلڊ ڪپ اسڪواڊ جو حصو هوندو.
پاڪستان ڪرڪيٽ ٽيم جي فاسٽ بالر حارث رئوف بالنگ شروع ڪري ڇڏي آهي.
حارث رئوف نيشنل ڪرڪيٽ اڪيڊمي ۾ بالنگ ڪئي. ميڊيڪل پينل به سندس بالنگ جو جائزو ورتو.
ياد رهي ته حارث رئوف ايشيا ڪپ ۾ ڀارت خلاف سپر فور اسٽيج جي ميچ ۾ رٻ جي انٽري جو شڪار ٿي ويو هو.
