ڪراچي: سنڌ سماءَ واري نگران وفاقي وزير مرتضيٰ سولنگي چيو آهي ته نواز شريف جيل جون ديوارون ٽوڙي لنڊن نه ويو هو، نوازشريف حڪومت ۽ عدالتي اجازت سان پرڏيهه ويو هو، نواز شريف واپس آيو ته قانون موجب ساڻس سلوڪ ڪيو ويندو، خبر ناهي ته نواز شريف پاڪستان واپس اچي ڪهڙي عدالت ۾ پيش ٿيندو
ڪراچي پريس ڪلب ۾ ميڊيا سان ڳالهائيندي مرتضيٰ سولنگي چيو ته اليڪشن ڪميشن آزاد ۽ خودمختيار ادارو آهي، اميد آهي ته اليڪشن ڪميشن چونڊن جي تاريخ جو به جلد اعلان ڪندي، عام چونڊون ڪرائڻ لاءِ پنهنجو ڀرپور ڪردار ادا ڪنداسين
هن چيو ته نگران حڪومت بجلي چورن خلاف ڪريڪ ڊائون ڪري 8 ارب روپيا اوڳاڙيا آهن، اسان جي اختيار ۾ جيڪو آهي، اُهو ڪري رهيا آهيون
