پاڪستان هانگ ڪانگ کي 68 رنسن تان شڪست ڏئي ايشين گيمز جي ٽي ٽوئنٽي ڪرڪيٽ ايونٽ جي سيمي فائنل ۾ پهچي ويو.
هن ميچ جي خاص ڳالهه عامر جمال جي جارحاڻي بيٽنگ ۽ اسپنرن جي شاندار ڪارڪردگي هئي.
سيمي فائنل ۾ پاڪستان شاهينز جو مقابلو 6 آڪٽوبر تي سريلنڪا ۽ افغانستان وچ ۾ ميچ جي فاتح ٽيم سان ٿيندو.
چين جي شهر هانگزو ۾ جاري 19هين ايشين گيمز ڪرڪيٽ ايونٽ جي ڪوارٽر فائنل ۾ هانگ ڪانگ ٽاس کٽي پاڪستان کي بيٽنگ جي دعوت ڏني، پاڪستان مقرر 20 اوورن ۾ 160 رنسون ٺاهيون.
