سنڌ جي وڏي وزير مراد علي شاهه چيو آهي ته ارسا جي آرڊيننس سان سنڌ جو ڪو تعلق نه آهي، اهو قومي اسيمبلي جو معاملو آهي، ملڪ ۾ اڃا تائين 2010 وارو اين ايف سي ايوارڊ هلي رهيو آهي، اسان وفاق کي نئون ايوارڊ ڏيڻ لاءِ چيو آهي
ڪراچي ۾ ميڊيا سان ڳالهائيندي وڏي وزير چيو ته چاهيون ٿا ته سنڌ مان سينيٽ جي سمورين سيٽن تي پيپلزپارٽي جا اميدوار ڪامياب ٿين، ٻيون جماعتون به ميدان ۾ لٿل آهن، ڳجهي ووٽنگ دوران ميمبر پارٽي پاليسي جي خلاف ووٽ ڪري سگهن ٿا
هن چيو ته صوبائي گهرو وزير ۽ آءِ جي سنڌ جي سفارش تي پوليس آفيسرز جون بدليون ڪيون ويون آهن، ضرورت پوڻ تي وڌيڪ بدليون به ڪنداسين، گهرو وزير ۽ آءِ جي سنڌ کي گهربل بدلين بعد هاڻي امن قائم ڪري ڏيکارڻو پوندو
