سسيڪس جي هيڊ ڪوچ پال فاربريس چيو آهي ته انگلينڊ جي فاسٽ بالر جوفرا آرچر جو آسٽريليا خلاف ايشز سيريز کان اڳ ريڊ بال ميچ کيڏڻ جو امڪان ناهي.
آرچر، جنهن 2019 جي ايشز سيريز ۾ انگلينڊ لاءِ 22 وڪيٽون ورتيون، ڪلهي ۽ چيلهه جي تڪليف سبب فيبروري 2021 کان هڪ به ٽيسٽ نه کيڏيو آهي.
27 سالن جو فاسٽ بالر 17 مهينا ٻاهر رهڻ کانپوءِ جنوري جي آخر ۾ واپس آيو پر ڪائونٽي چيمپيئن شپ ۾ سسيڪس لاءِ نه کيڏندو، جڏهن ته جمعه کان شروع ٿيندڙ انڊين پريميئر ليگ ٽي 20 ٽورنامينٽ ۾ ممبئي لاءِ کيڏندو.
پال فاربريس چيو ته منهنجو خيال آهي ته سڀ شيون برابر آهن، هو آءِ پي ايل کان پوءِ سڌو ايشز ۾ ويندو.
منهنجو خيال آهي ته هن جو منصوبو آهي ته آءِ پي ايل ميچن جي وچ ۾ هو پنهنجي اوورز کي بهتر ڪرڻ لاءِ ڪجهه ڊگهو اسپيل بالنگ ڪندو ۽ يقيني بڻائيندو ته هو ميچ لاءِ تيار آهي.
