چين ۽ روس هائپرسونڪ ميزائل جي ريس ۾ آمريڪا کان اڳتي نڪري ويا آهن.
آمريڪي اخبار جي رپورٽ موجب آواز جي رفتار کان 20 ڀيرا وڌيڪ تيز رفتاري سان سفر ڪندڙ ميزائلن جي ڊوڙ ۾ آمريڪا هاڻي پنهنجي حریف کان به پوئتي پئجي ويو آهي.
چين ۽ روس جهڙيون طاقتون جن وٽ هائپرسونڪ ميزائل آهن، اهي دنيا جي اسٽريٽجڪ توازن لاءِ خطرو بڻجي سگهن ٿا. تنهن ڪري، هائپرسونڪ ميزائل آمريڪي دفاعي نظام جي برتري لاء هڪ چئلينج آهن.
هڪ هائپرسونڪ ميزائل کي راڊار ۽ سيٽلائيٽ سان ڳولڻ ڏکيو آهي ۽ ميزائل مخالف هٿيارن سان نشانو نه ٿو ڪري سگهجي.
رپورٽ ۾ اهو پڻ چيو ويو آهي ته ڏکڻ چين سمنڊ ۾ چيني هائپرسونڪ ميزائل آمريڪي بحري جهازن جي حفاظت کي غير موثر بڻائي سگهن ٿا.
رپورٽ ۾ وڌيڪ چيو ويو آهي ته آمريڪا جي ڊگهي رينج هائپرسونڪ هٿيارن جي ترقي هن سال ڪيترن ئي آزمائشي پروازن جي ناڪامي کانپوءِ خطري ۾ لڳي ٿي.
