اسلام آباد: (سومر: 25 مارچ 2024ع) وزيراعظم شهباز شريف گيس جي قيمتن ۾ تازي واڌ تي ڪاوڙ جو اظهار ڪندي آڊٽ رپورٽ طلب ڪري ورتي.
رپورٽ موجب وزيراعظم ميان محمد شهباز شريف توانائي واري وزارت کان هڪ کان 3 مهينن ۾ 16 ٽاسڪ مڪمل ڪرڻ جا حڪم جاري ڪري ڇڏيا. وزيراعظم هڪ مهيني ۾ گيس جي قيمتن ۾ تازي واڌ جي فرانزڪ آڊٽ رپورٽ پيش ڪرڻ جي هدايت ڪري ڇڏي آهي.
شهباز شريف گيس جي قيمتن ۾ تازي واڌ تي ڪاوڙ جو اظهار ڪندي اوگرا ۽ گيس ڪمپنين جي ڪارڪردگي جو جائزو وٺڻ جو فيصلو ڪري ورتو ۽ 3 مهينن ۾ گيس انفراسٽرڪچر، گيس چوري ۽ ناقص ڪارڪردگي تي تفصيلي رپورٽ طلب ڪري ايران، پاڪستان گيس پائپ لائن منصوبي جي مانيٽرنگ جي لاءِ فوري طور تي بين الوزارتي ڪميشن قائم ڪرڻ جي هدايت ڪري ڇڏي آهي.
