سانگهڙ (رپورٽ عبدالجبار نظاماڻي ) پيٽروليم سوشل ويلفيئر ڪميٽي اين اي 215 بابت هڪ اجلاس ڊپٽي ڪمشنر آفيس سانگهڙ ۾ چيئرمين قومي اسيمبلي ميمبر نويد ڏيرو جي صدارت هيٺ ٿيو. ڊپٽي ڪمشنر سانگهڙ ڊاڪٽر عمران الحسن خواجا ۽ ٻين لاڳاپيل عملدارن شرڪت ڪئي. ان موقعي تي ڪميٽي جي چيئرمين ۽ ايم اين اي نويد ڏيرو چيو ته ڪمپني پاران جاري ڪيل سوشل ويلفيئر فنڊ سانگهڙ جي عوام جو پئسو آهي. اسڪيمن تي ڪم مڪمل ڪندي ماڻهن کي سهولتون فراهم ڪرڻ لاءِ جلد کان جلد لازمي ڪارروائي ڪئي وڃي. چيئرمين ڪميٽي نويد ڏيرو ڊپٽي ڪمشنر ۽ لاڳاپيل آفيسرن کي هدايت ڪئي ته انهن اسڪيمن لاءِ جلد کان جلد اشتهار جاري ڪيو وڃي. اسان ماڻهن کي بهترين سهولتون فراهم ڪري سگهون ٿا.ان رقم سان صحت ، صاف پيئڻ جو پاڻي ۽ تعليم جا منصوبا جوڙيا ويندا. انهن اسڪيمن ۾ نوجوانن کي ماهر بڻائڻ لاءِ اسڪيمون پڻ شامل هجڻ گهرجن ته جيئن نوجوانن کي روزگار جي مسئلن جو منهن نه پوي. ان موقعي تي ، هن وڌيڪ چيو ته اعتماد ڏيندڙ ، رجسٽرار ۽ رياستي ايجنسي کان مارڪيٽ جي شرح معلوم ڪرڻ بعد زميندارن کي زمين جي قيمت مارڪيٽ جي معاوضي تي ڏني وڃي. ان موقعي تي لاڳاپيل ٻيا آفيسر پڻ موجود هئا.
