لاڙڪاڻو(بيورو چيف دلبر شاهد) لاڙڪاڻي شهر جي علي گوهر ٿاڻي جي حد مان 36 سالن جي نامعلوم موالي جو لاش هٿ ايڌي سينٽر حوالي. رپورٽ موجب شهر جي علي گوهر آباد ٿاڻي جي حد علي گوهر آباد پاڙي ۾ 36 سالن جي اڻڄاتل شخص جو لاش ڏسي علائقي واسين حد جي ٿاڻي تي اطلاع ڏنو، جڏهن ته پوليس ڄاڻايل هنڌ تي پهچي نامعلوم شخص جو لاش کڻائي ايڌي سينٽر حوالي ڪري ڇڏيو آهي. هوڏانهن ايڌي رضاڪارن طرفان سندس وارثن جي ڳولا ڪئي وئي، پر وارثن نه ملڻ جي ڪري ايڌي عملي کيس غسل ڪفن ڏئي مڙھ کي دودائي قبرستان ۾ مٽي ماءُ حوالي ڪري ڇڏيو آهي.
