وزيراعظم عمران خان چيو آهي ته اهڙو پلان تيار ڪيو آهي جيڪو اپوزيشن کي سمجهه ۾ نه ايندو. رپورٽ موجب وزيراعظم عمران خان جي صدارت هيٺ پارٽي جي سينئر اڳواڻن جو اجلاس ٿيو جنهن ۾ شاهه محمود قريشي، فرخ حبيب، اسد عمر، حماد اظهر، شفقت محمود کان علاوه قانوني ٽيم به شرڪت ڪئي.
ذريعن موجب اجلاس ۾ ڳالهيون ڪندي وزيراعظم عمران خان چيو ته مان هن مافيا کان گهٻرائڻ وارو ناهيان، اهڙو پلان تيار ڪري رکيو آهي جيڪو هنن کي سمجهه ۾ نه ايندو. پهريان به هن مافيا جو مقابلو ڪيو هاڻ به ڪندس. عمران خان چيو ته بي اعتمادي رٿ جي ناڪامي کان پوءِ سڀني جو حساب برابر ڪندس. پنجاب ۾ پيدا ٿيندڙ حالتن تي جلد ڪنٽرول ڪري وٺنداسين. سمورا ميمبر منهنجو ساٿ ڏيندا. پريشاني جي ڪابه ڳالهه ناهي.
