ستن ميچز جي ٽي ٽوئنٽي سيريز جي ٽين ميچ ۾ پاڪستان انگلينڊ جي خلاف ٽاس کٽي فيلڊنگ جو فيصلو ڪيو آهي.
نيشنل اسٽيڊيم ڪراچي ۾ ٿيندڙ ميچ ۾ پاڪستان جي ڪپتان بابراعظم ٽاس کٽي انگلينڊ کي پهرين بيٽنگ جي دعوت ڏني آهي.
پاڪستاني ٽيم ۾ ڪا به تبديلي ناهي ڪئي وئي جڏهن ته انگلش ٽيم ٽي تبديليون ڪيون آهن.
واضح رهي ته سيريز هڪ،هڪ جي برابر آهي، ميچ ۾ انگلينڊ پاڪستان کي ڇهن وڪيٽن تان هارائي ڇڏيو جڏهن ته گذريل ڏينهن واري ٻي ٽي ٽوئنٽي ۾ گرين شرٽس انگلش ٽيم جي خلاف ڏهه وڪيٽن تان ڪاميابي حاصل ڪئي هئي.
ست ٽي ٽوئنٽي ميچز جي سيريز جون چار ميچز ڪراچي ۽ ٽي لاهور ۾ ٿينديون.
انگلينڊ ٽيم جي ڪپتان جوز بٽلر انجري سبب ڪراچي ۾ ٿيندڙ ميچز ۾ شريڪ نه ٿي سگهندو، ان دوران ڪپتاني جا ذميواريون معين علي ادا ڪندو.
