ڪراچي: گورنر سنڌ ڪامران خان ٽيسوري جي قافلي ۾ شامل پوليس موبائيل سان ڊفينس فيز 8 اتحاد ڪمرشل سگنل تي ٽرن ڪاٽڻ دوران حادثي ۾ ٻه پوليس اهلڪار زخمي ٿي پيا.
پوليس موجب خانگي ڪار نمبر AYL-627 جو پوليس موبائيل سان ٽڪر ٿي پيو، جنهن جي نتيجي ۾ 2 پوليس اهلڪار موبائيل تان هيٺ ڪري زخمي ٿي پيا.
زخمي اهلڪارن ۾ 42 سالن جو ڪانسٽيبل وقاص ۽ 32 ورهين جو ڪانسٽيبل نعيم شامل آهن، جن کي فوري طور تي طبي امداد لاءِ جناح اسپتال منتقل ڪيو ويو.
حادثي کانپوءِ گورنر سنڌ جناح اسپتال پهچي زخمين جي عيادت ڪئي ۽ انتظاميه کي هدايت ڪئي ته اهلڪارن کي علاج جون بهتر سهولتون فراهم ڪيون وڃن.
