اسلام آباد: حڪومتي اتحاد ۾ شامل ٽن وڏين پارٽين اليڪشن ڪيس ۾ موجوده بئنچ تي اعتراض جو فيصلو ڪري ورتو آهي.
سپريم ڪورٽ ۾ چيف جسٽس آف پاڪستان جي سربراهي ۾ 3 رڪني بينچ سڀاڻي 11:30 وڳي پنجاب ڪي پي ڪي جي چونڊن بابت ڪيس جي ٻڌڻي ڪندي.
ٻڌڻي ۾ حڪمران اتحاد جي ٽن وڏين پارٽين موجوده بئنچ تي اعتراض ڪرڻ جو فيصلو ڪيو آهي، ذريعن موجب اٽارني جنرل ۽ سياسي پارٽين جا وڪيل سڀاڻي بئنچ تي اعتراض اٿاريندا.
حڪومتي اتحاد ۾ شامل 3 وڏيون پارٽيون چيف جسٽس کي فل ڪورٽ ٺاهڻ جي درخواست ڪنديون، جڏهن ته فل ڪورٽ جي درخواست رد ٿيڻ تي عدالتي ڪارروائي جو بائيڪاٽ ڪيو ويندو.
جسٽس جمال خان مندوخيل ۽ جسٽس امين الدين خان اليڪشن ڪميشن جي بينچ کان اڳ ئي الڳ ٿي چڪا آهن، جسٽس جمال خان مندوخيل فل ڪورٽ ٺهڻ جي صورت ۾ ڪيس ٻڌڻ لاءِ راضي آهي.
واضح رهي ته پاڪستان تحريڪ انصاف موجوده بينچ تي مڪمل اعتماد جو اعلان ڪيو آهي، عمران خان جو چوڻ آهي ته کيس موجوده بينچ يا فل ڪورٽ ڪيس ٻڌڻ تي ڪو اعتراض ناهي.
پاڪستان تحريڪ انصاف پنجاب ۽ ڪي پي ڪي جون چونڊون 8 آڪٽوبر تائين ملتوي ڪرڻ واري اليڪشن ڪميشن جي فيصلي خلاف سپريم ڪورٽ ۾ درخواست داخل ڪري ڇڏي.
