اسلام آباد: قومي سلامتي ڪميٽي جي اجلاس کان اڳ آرمي چيف جنرل عاصم منير وزيراعظم شهباز شريف سان ملاقات ڪئي.
وزيراعظم ۽ آرمي چيف قومي سلامتي ڪميٽي جي معاملن تي خيالن جي ڏي وٺ ڪئي، جيڪو انهن معاملن جو سڀ کان وڏو فورم آهي.
ذريعن جو چوڻ آهي ته انٽر سروسز انٽيليجنس (آءِ ايس آءِ) جو ڊائريڪٽر جنرل ليفٽيننٽ جنرل نديم انجم به وزيراعظم هائوس پهچي ويو آهي.
وزيراعظم شهباز شريف جي صدارت هيٺ قومي سلامتي ڪميٽي جي اجلاس ۾ ڪابينا جا ميمبر، هٿياربند فوجن جا سربراهه ۽ ٻيا شريڪ آهن.
ذريعن جو وڌيڪ چوڻ آهي ته جاري معاشي بحران تي به ڳالهه ٻولهه ڪئي ويندي ڇو ته پاڪستان پاران عالمي مالياتي فنڊ (آءِ ايم ايف) کان قرض پروگرام بحال ڪرائڻ ۾ دير سبب مهانگائي جو رڪارڊ ٽٽي رهيو آهي.
