دبنگ اسٽار سلمان خان پنهنجي جان کي سنگين خطري سبب احتياطي اپاءَ وٺڻ شروع ڪري ڇڏيا آهن.
سلمان خان کي گينگسٽر لارنس بشنوئي پاران مارڻ جون ڌمڪيون ملي رهيون آهن، جنهن سبب اداڪار کي سيڪيورٽي سخت ڪرڻ تي مجبور ڪيو ويو آهي.
اداڪار کي ڌمڪيون اي ميل ذريعي موڪليون ويون، کيس پنجابي ريپر سدو موسي والا جيان مارڻ جي خواهش ظاهر ڪئي وئي آهي.
سلمان خان پنهنجي سموري حفاظت کي يقيني بڻائڻ لاءِ هڪ نئين بلٽ پروف نسان پيٽرول ايس يو وي درآمد ڪئي، جيڪا اڃا تائين ڀارت ۾ لانچ ئي ناهي ٿي.
ان کان اڳ به اداڪار اهڙي قسم جا حفاظتي قدم کنيا آهن، گذريل سال هن هڪ بلٽ پروف ٽويوٽا لينڊ ڪروزر خريد ڪئي هئي.
