ڪرائسٽ چرچ: پاڪستان خلاف ٽي ٽوئنٽي سيريز لاءِ نيوزيلينڊ جي 20 رڪني اسڪواڊ ڪرائسٽ چرچ کان پاڪستان روانو ٿي ويو آهي.
نيوزيلينڊ جي ٽيم پاڪستان خلاف 5 ٽي ٽوئنٽي ميچن تي ٻڌل سيريز کيڏندي، ٻنهي ٽيمن وچ ۾ پهرين ٽي 20 ميچ 14 اپريل تي لاهور ۾ کيڏي ويندي.
ٻنهي ٽيمن وچ ۾ ٻي ٽي ٽوئنٽي ميچ 15 اپريل ۽ ٽئين 17 اپريل تي لاهور ۾ کيڏي ويندي، سيريز جي چوٿين ۽ پنجين ٽي ٽوئنٽي ميچ 20 ۽ 24 اپريل تي راولپنڊي ۾ کيڏي ويندي.
ان کانپوءِ پنجن ون ڊي ميچن جي سيريز شروع ٿيندي، سيريز جي پهرين ۽ ٻي ون ڊي ميچ 27 ۽ 29 اپريل تي راولپنڊي ۾ کيڏي ويندي.
سيريز جي ٽئين، چوٿين ۽ پنجين ون ڊي ميچن جي سيريز جي 3، 5 ۽ 7 مئي تي ڪراچي ۾ کيڏي ويندي.
