اسٽيٽ بئنڪ آف پاڪستان اسلامي جمهوريه پاڪستان جي 1973ع جي آئين جي گولڊن جوبلي جي موقعي تي 50 رپين جو يادگار سڪو جاري ڪيو آهي.
سرڪاري پريس رليز موجب يادگار سڪو اڄ کان اسٽيٽ بئنڪ جي بئنڪنگ سروسز ڪارپوريشن جي سمورين فيلڊ آفيسن جي ايڪسچينج ڪائونٽرن تي دستياب هوندو.
اسٽيٽ بئنڪ چيو ته پاڪستان جو آئين 10 اپريل 1973ع تي قومي اسيمبليءَ مان منظور ڪيو ويو، ان ڪري ان کي 1973ع جو آئين به سڏيو وڃي ٿو ۽ سال 2023ع اسلامي جمهوريه پاڪستان جي آئين جي گولڊن جوبلي طور ملهايو پيو وڃي.
اهو پاڪستان جو سپريم قانون آهي، جنهن جو مقصد پاڪستان جي قانون، سياسي ڪلچر ۽ نظام جي رهنمائي ڪرڻ، رياست جو نقشو بيان ڪرڻ ۽ آبادي جي بنيادي حقن جو تحفظ ڪرڻ آهي، جيڪو پاڪستان جي هر شهري کي تحفظ جي ضمانت ڏئي ٿو.
ان اهم موقعي تي وفاقي حڪومت اسٽيٽ بئنڪ آف پاڪستان کي 50 رپين جو يادگار سڪو جاري ڪرڻ جو اختيار ڏئي ڇڏيو آهي.
سِڪي جو قطر 30.0 ملي ميٽر آهي، وزن 13.5 گرام آهي ۽ ڪپرو نڪل ڌاتوءَ مان ٺهيل آهي، جنهن ۾ 75 سيڪڙو ٽامو ۽ 25 سيڪڙو نڪل آهي.
سڪي جي سامهون واري پاسي، چنڊ ۽ پنج ڪنڊن وارا تارا اتر اولهه واري طرف بيٺل آهي، جيئن اهي اڀري رهيا آهن سڪي جي مرڪز ۾ واقع آهن ۽ ان جي چوڌاري اردو رسم الخط ۾ لکيل آهي ”اسلامي جمهوريه پاڪستان“.
