اسلام آباد ناڻي واري وزارت نئين دستاويز جاري ڪئي آهي جنهن موجب گذريل 2 سالن ۾ حڪومتي قرض ۾ 45 سيڪڙو واڌ ٿي آهي. رپورٽ موجب ناڻي واري وزارت طرفان جاري ڪيل نئين دستاويز موجب 2 سالن ۾ حڪومتي قرض جي ڊي پي جي 87 سيڪڙو جي برابر ٿي ويا آهن جڏهن ته قرض ۾ واڌ جو وڏو سبب مالي خسارو پورو ڪرڻ جي لاءِ ورتل قرض آهي. ٻئي طرف قانون موجب حڪومتي قرض جي ڊي پي جي 60 سيڪڙو کان وڌيڪ نه هجڻ گهرجي. ياد رهي ته مسلم ليگ(ن) جي حڪومت دوران حڪومتي قرض جي ڊي پي جو تقريبن 73 سيڪڙو هو.
