تحريڪ انصاف جي قومي اسيمبلي ميمبر رميش ڪمار دعويٰ ڪئي آهي ته ٽي وفاقي وزير پي ٽي آءِ ڇڏي ويا آهن.
رميش ڪمار طرفان اها دعويٰ اهڙي وقت ۾ سامهون آئي آهي، جڏهن وزيراعظم خلاف بي اعتمادي تي ووٽنگ جون تياريون جاري آهن ۽ سنڌ هائوس اسلام آباد ۾ پي ٽي آءِ جا 24 جي لڳ ڀڳ ايم اين اي موجود آهن.
ذريعن موجب پي ٽي آءِ جو قومي اسيمبلي ميمبر رميش ڪمار به سنڌ هائوس ۾ موجود آهي.
سنڌ هائوس ۾ موجود تحريڪ انصاف ميمبرن جا نالا به سامهون اچي ويا آهن، وزيراعظم کي سنڌ هائوس ۾ موجود ايم اين ايز جي فهرست هڪ قومي اداري طرفان پيش ڪئي وئي آهي.
ذريعن موجب راجا رياض، نواب شير وسير، راڻا قاسم نون، غفار وٽو سنڌ هائوس ۾ موجود آهن.
ذريعن جو چوڻ آهي ته نور عالم خان، رياض مزاري، باسط بخاري، احمد حسن، نزهت پٺاڻ ۽ وجيهه اڪرم به سنڌ هائوس ۾ آهن.
ذريعن موجب ڄاڻايل ميمبرن کانسواءِ به پي ٽي آءِ جا ڪيترائي ماڻهو سنڌ هائوس ۾ موجود آهن.
